“Biznes gözlə deyil, məntiqlə idarə olunur”  layihəsi

“Qayğıya ehtiyacı olan şəxslərə sosial dəstək” İctimai Birliyi 01 dekabr 2022-ci il tarixində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı  ilə “Biznes gözlə deyil, məntiqlə idarə olunur”  adlı  layihəsini  başa çatmışdır.

         Sözügedən layihə  3 ay müddətində icra edilmişdir. Layihə çərçivəsində Qayğıya ehtiyacı olan şəxslərə sosial dəstək İB  Azərbaycan Gözdən Əlillər Cəmiyyəti ilə  əməkdaşlıq edərək görmə məhdudiyyəti olan yeniyetmə və gənclərə  biznesin qurulmasına  dair təlimlər təşkil etmişdir. Təlimlər “Sağlamlıq imkanları məhdud uşaqlar üçün 5 saylı internat məktəbi”ndə  və  Azərbaycan Gözdən Əlillər Cəmiyyətində  keçirilmişdir. 

Layihə müddətində  10 nəfər yeniyetmə və gəncə onlayn binesin qurulmasına  və idarəedilməsinə dair təlimlər keçirilmişdir. Təlimlər zamanı görmə üzrə əlilliyi olan yeniyetmə və gənclərə sosial şəbəkələr üzərindən kiçik biznesin qurulması və idarəedilməsi üçün müyəssər peşələr haqında nəzəri və praktiki məlumatlar verilmişdir. Təlimə cəlb olunmuş şəxslərə eyni zamanda  seçdikləri peşənin inkişaf etdirilməsi üçün Dövlət Məşğulluq Agentliyinin “Özünəməşğulllq” proqramına qoşularaq  maliyyə mənbələrinin əldə edilməsi yolları öyrədilmişdir.

Layihənin təqdimatı  03 dekabr Beynəlxalq Əlillər Günü ərəfəsində  yəni 02 dekabr 2022-ci il tarixində   ADA universiteti və Azərbaycan Gözdən Əlillər Cəmiyyəti ilə birgə  Dədə Qorqud parkında  “Güvənli gəzinti”  adlı yürüş təşkil edilərək keçiilmişdir.  Yürüşün məqsədi  görmə üzrə əlilliyi olan şəxslərin bərabər imkan  və bacarıqlarının olduğunu ictimayətə çatdırmaq  və hər kəsi göz işığının qorunmasına səsləməkdən ibarət olmuşdur.